ዘርዓያቆብ (ዘርአ ያቆብ)መን እዩ❓

#ፍልስፍናን #ንሕናን (ክፍሊ 2)😇

...........ዝቀፀለ.

#ዘርዓያቆብ መን እዩ❓

ብዙሓት ሰባት #ኣፄ ዘርዓያቆብን #ፈላስፋ ዝርዓያቆብን ሓደ ገይሮም እዮም ዝወስድዎ።🙌😂

#ኣፄ ዘርዓያቆብ

ኣፄ ዘርዓያቆብ ብ 1391 ዓ.ም ኣብ #ሽዋ ዝተወለደን ኸምኡውን ካብ 1426 - 1460 ዓ.ም #ንጉስ ኢትዮጰያ ኮይኑ ዝገዘአን እዩ። ኣፄ ዘርዓያቆብ ኣብኡ #ዳዊት ጀሚርዎ ዝነበረ ብዝተፈላላዩ ቋንቋታት ተፃሒፎም ዝነበሩ ታኣምራታት ናብ #ግዕዝ ብምቅያርን ናብ ኩለን ገዳማት ብምብታንን ዝፍለጥ እንትኮን ኣብዚ እዋን ምስ #ደቂቅ እስጢፋኖስ ብዝተፈጠረ ዘይምስምዕማዕ ውን ናይ ብዙሓት ተጋሩ ፈለስቲ ደም ኣብ ደብረብርሃን ክፈስስ ዝገብረ ንጉስ እዩ። (ብሰፊሑ ኣብ ካሊእ ፅሑፍ ንምለሶ)

#ፈላስፋ ዘርዓያቆብ

ፈላስፋ ዝርዓያቆብ ብ 1592 ዓ.ም ኣብ #ኣክሱም ዝተወለደ እዩ። ኣብ ዘመን ንግስነት ሲሶንዮስ ኣብ 9 ዓመቱ (1601ዓ.ም) ናይ #ቅሽና ትምህርቲ ዝጀመረን ወዲ 17 ዓመት እንትኮን ንባብ፣ መኣዲ (ገበታ) ሃዋርያት፣ ዳዊት ፣ ቅኔን ስዋሱውን ተማሂሩ ወዲኡ። ድሕሪ እዚ ክዓ #ንዓሰርተ ዓመታት ዝኣክል ካብ 1609 - 1619 ንዓሰርተ ዓመታት ናይ መፅሓፍ #ቅዱስ ትርጉም ተማሂሩ ወዲኡ እዩ።🙌

👉ኣብ ማእከል ግን ወዲ 12 ዓመት እንከሎ ናይ #ዜማ ትምህርቲ ጀሚሩ #ድምፁ ፅቡቅ ስለ ዘይነበረ ኣብ 3 ወርሑ ኣቋሪፅዎ እዩ😇😂

⏩ ዘርዓያቆብ ናይ ብዙሕ ዓመታት ትምህርቱ ድሕሪ ምምሃሩ #ንክልተ ዓመታት ዝኣክል (1623 - 1625) ኣብ ብዓቲ ናይ #ተመስጦን #ፅሞናን ግዜ ኣሕሊፉ እዩ። ዘርዓያቆብ ኣብ 35 ዓመቱ ወ/ት #ሂሩት ዝተብሃለት #ተመርዕዩ #ሃፍቱ ዝተብሃለ ሓደ ውላድ ውን ኣፍሪዩ እዩ።

⏩ዘርዓያቆብ ኣብ 68 ዓመቱ ብ1660 ዓ.ም ናይ #ሓተታ መፅሓፉ ፅሒፉ ብምውዳእ ንዓለም ኣበርኪቱ እዩ🙌 ብ 1685 ዓ.ም ኣብ 93 ዓመቱ ካብዛ ዓለም ብሞት ተፈልዩ😭

❎ በዚ መሰረት ኣፄ ዝርዓያቆብን ፈላስፋ ዘርዓያቆብን ኣብ ሞንጎኦም ናይ ከባቢ 200 ዓመታት ኣፈላላይ ከምዘሎን ክልተ ዝተፈላለዩ ኣካላት ምኳኖም ክንግዘብ ይግባእ። 👉 ድሕሪ ሕዚ ዘሎ ፅሑፍ ኩሉ ንፈላስፋ ዘርዓያቆብ ዝምልክት ጥራሕ እዩ🙌

⏩ ኣብ ናይ ዘርዓያቆብ #metaphysics ምርምር #ሰለስተ ነገራት ንረኪብ (metaphysics ማለት ኣብ ሓቂን ፍልጠትን ዝፅንዕ ፍልስፍና)፦

👉 #ህልውና ፈጣሪ

👉 ናይ ወዲ #ሰብ ተፈጥሮ

👉 ናይ #ፈጣሪን #ሰብን ርክብ

❎ዘርዓያቆብ ድሕሪ ናይ ክልተ ዓመት ናይ ተመስጦን ፅሞናን ግዝያት ምምላሱ ካብ ዘልዐሎም ዓበይቲ

ሕቶታት፦

" ኣነ ግን ናብ መን እየ ዝፅሊ❓"

ዝብል ብዋናነት ዘልዓሎ እዩ።

ናይ ዓለምና ኩሎም ሕቶታት ምስ ህልውና #ፈጣሪ ዝተታሓዙ ስለዝኮነ ናይ ዘርዓያቆብ ምርምር ካብዚ ምጅማሩ ትክክለኛ እዩ ኔሩ።❤ ዘርዓያቆብ #ህልውነት ፈጣሪ ድሕሪ ምርግጋፁ #ባህሪታት ፈጣሪ ናብ ምምርማር እዩ ኣትዩ።

⏩ ስለፈጣሪ ክእለትን #ባህሪን ዘርዓያቆብ እንትገልፅ፦

"ዝፈጠረና ፈጣሪ #ኣዋቂ ፣ ዝዛረብን #ኩሉ ዝክእልን ምኳኑ #ግድን እዩ #ምክንያቱ ፈጣሪ ኣዋቂ ተዘይኮነ ኣዋቂ ዝኮነ ፍጡር (ሰብ) ክፈጥር ኣይክእልን"

ይብል🙌

ናይዚ ምርምሩ #መጨረሻ ዘርዓያቆብ እንተጠቃልሎ

"ፈጣሪ ፈጥረታቱ ፈጢሩ ክገድፎም ኣይክእልን"

ነዙይ ንምርዳእ ውን ኣብ #ምፍጣርን #ግበረገባዊ ሓላፍነትን (ሞራል) ሞንጎ ዘሎ #ምክንያታዊ ብምትንታን የርድእ።👍💝

በዚ ውን ናይኒ #ኣርስቶትል

"እግዛብሄር ዓለም ድሕሪ ምፍጣሩ ገዲፍዋ እዩ" ዝብል ፍልስፍና ምዕራባውያን ውድቂ ገይርዎ እዩ( #ጀግናና)

.

.

By hagos ze Axum

ይቅፅል እ